May isang halamang ubas ang tumubo sa isang lupa. Nagkaugat at tumubo ng mainam. Ngunit ng matuyo ang lupa, natigil ang paglago. Naghanap ng makakapitan ang baging ng halaman; gumapang nga sa isang sampayan. Sa pagtaba muli ng lupa, sumibol muli ang halaman, ngunit sa lupa may rosas nang tumubo.
Saan dapat ang halaman kukuha ng lakas upang tumayo? Sa lupaing tinubuan ngunit mayroon nang ibang halaman o sa sampayang kinakapitan na ayaw ng hanging kaibigan at ng sikat ng araw. Akong tubig ay naguguluhan, dapat ba siyang diligan Ngayon siya ay lihim pang gumagapang sa sampayan? habang nalilito kung kanino dapat magtumibay. Dapat ko bang pasukin ang lupa at magpahigop sa dalawang ugat o lalaksan ko ang pagbuhos para magiba ang sampayan? Sa nakakaunawang ulap, kailangan ng tubig nang kausap. Malaman ang nararapat.
May mga taong sa mabababaw na dagat lumalangoy kaya’t paano nga sila makasisisid sa malalim? Anopa’t malulunod sila kung kanilang susubukan. Sino ngang tao ang makakaabot ng kalaliman ng karagatan? Mayroon ba o wala na nga?
No comments:
Post a Comment