Magic 24

 Sa mundo ng mahika sinasakop ng malalakas ang mga mahihina. Kaya isang malaking digmaan ng mahika sa buong kasaysayan ang naganap. Bawat may kapangyarihan laban sa kapwa niya may kapangyarihan, upang manakop at huwag magpasakop. Ang may pinakamakapangyarihang mahika ang maghahari sa lahat ngunit sa nagdaang digmaan ay napatunayan na hindi lamang sa lakas ng kapangyarihan nasusukat ang pagtatagumpay kundi sa pagkakaisa kahit ng mahihina ay nagiging pinakamalakas.

KIYO AUTHORITY 

presents 

MAGIC 24

E1 Heroco - Carnival 

Isang babae ang maririnig na nanganganak sa likod ng bakuran. Pagkaiyak ng sanggol ay isang liwanag ang umakyat sa langit mula sa dakong yaon. Maririnig ang dalawang mag-asawang matanda ang dali daling lumabas ng kanilang tahanan patungong bakuran upang hanapin ang kinaroroonan ng umiiyak na sanggol. "paanong nagkaroon ng sanggol dito?" pagtataka ng matandang lalaki. "Hulog siya ng langit sa atin. Mayroon na tayong anak" wika ng kaniyang asawa. "Ngunit hindi natin alam kung saan galing ang sanggol na iyan" dahilan ng matandang lalaki. "Biyaya siya sa atin ng Dakilang Hari ng mga langit. Magpasalamat na lamang tayo na dininig ang ating daing na magkaroon ng anak" sagot sa kaniya ng matandang babae. "Sa bagay, wala naman pinanganganak na masama. Halina sa loob baka mahamugan pa ang bata" paanyaya ng matandang lalaki.

Ilang panahon ang nakalipas, sa hindi kalayuang dako mula sa bayang yaon ay may isang carnival na minsan lamang itinatayo sa tuwing may kapistahan. Dito nagtitipon ang iba't ibang manananghal mula sa iba't ibang dako. Sa carnival ay makikita ang iba't ibang uri ng pagkakasayahan. May mga sasakyan at palaro, mga salo salong palabas, mga pakitang gilas at mahika. Kaya ang mga mamamayan ng bayan ng Una ay masayang nagpuntahan sa carnival.

Lumaki na nga ang batang natagpuan sa bakuran at isa nang binatilyo. Manghang mangha siya sa napapanood niyang pagtatanghal ng mahika. Isang majikero ang nagpalabas ng puting manok sa isang sumbrero. Isang pang majikero na babae ang nagpalit ng kaniyang kasuotan gamit ang kaniyang mahiwagang patpat. Mayroon din silang isang sireno na nagpapakitang gilas sa pagtalon at paglusot sa mga nakalambiting singsing. Mayroon din silang naglalambiting mga mananayaw. Mga kaleido star kung tawagin at naghahagis ng mga patalim kahit nakapiring. Lalaking nakakawala sa pagkakakulong kahit maraming nakakandado sa ilalim ng tubig. Mayroon silang tahimik na nagtatanghal sa pamamagitan ng mga kamay, mahusay na mang aawit, magaling sa memorya, juggler at isang mascot na manok. Sa malaking toldang ito na sulok ng carnival na dinadagsa ng maraming tao ay may dako din para magpahula ng iyong kapalaran at may dako para bumili ng ticket para makapanood ng kanilang pagtatanghal. Napakahusay ng nagtatanghal sa malaking toldang ito kaya naman punong puno ng mga manonood at bawat isa ay masaya sa kanilang nasaksihan. 

Pauwi na sana ang binatilyo nang bigla siyang hinarang ng isang lalaking nakamaskara na naglabas ng isang bola ng enerhiya sa kaniyang kamay at inihagis sa kaniya. Nakaiwas naman ang binatilyo ngunit nakita niya ang pagkawasak ng kinatatayuan niya kanina. "Anong ibig sabihin nito? Ano ang kasalanan ko sayo?!" Wala pang kisap ng mata ay naghagis muli ng bolang enerhiya ang lalaking nakamaskara sa kaniya. Sa takot ay agad kumaripas ng takbo ang binatilyo palayo. Ang lalaking nakamaskara ay nagtaka sapagkat naitapon nito pabalik ang bolang enerhiya nang isinalag ng binatilyo ang kaniyang kamay. May iba pang mga taong ang nagsisunod sa tumatakbong binatilyo. Wala siyang mapuntahan kaya bumalik na lamang siya sa tolda ng mga manananghal para doon humingi ng tulong. Naabutan niya ang mga manananghal na nagliligpit ng kanilang mga gamit. Agad siyang lumapit sa mga ito para humingi ng tulong dahil may humahabol sa kaniya na naglalabas ng bolang enerhiya. Ngunit ng mabatid niya sa majikero na ang humahabol sa kaniya ay gumagamit ng mahika ay hindi siya pinaunlakan ng at binilinan siya na lumapit na lamang sa mga pulis dahil ayaw nilang madamay sa kaniyang gulo dahil manananghal lamang sila. Todo ang pakiusap naman ng binatilyo ngunit nainis lamang ang majikero nang magusot nito ang kaniyang suot. Pumiglas ang majikero at nagpalitaw ng mahiwagang rolyo na nag-aalis ng gusot ng damit. Tumingin ng masama ang majikero sa binatilyo kaya sumingit naman ang babaeng majikero para humingi ng tawad dahil ayaw ng majikero na nasisira sa ayos ang mga gamit niya at kinumbinsi ang binatilyo na lumapit na lamang sa mga pulis para humingi ng tulong kasabay ng maraming walang kabuluhang komento nito sa kaniyang paligid. Ngunit nagbabala ang isang binatilyo, ang naghahagis ng patalim habang nakapiring, na nariyan na ang mga kaaway na humahabol sa binatilyo. Mabilis na naglipit ang lahat ng kanilang gamit at ang malaking tolda ay biglang nagkapaa at lumakad palayo. Nagsitago naman ang ibang manananghal. Sinipa palabas ng majikero ang binatilyo. Sumilip naman ang babaeng majikero para magpaalam at humingi ng tawad sapagkat ayaw lamang nila na masangkot sa anomang gulo. "Goodbye little boy! Nice meeting you! Nood ka uli ng palabas namin. Pasensya ka na hindi ka namin matutulungan kasi ang bilin sa amin ay huwag kaming maki-join sa gulo ng may gulo lalo na kung may kaugnayan sa mahika. Yaka mo na yan. Sumbong ka sa pulis. See yah!". Sabi naman ng isang dalagita, ang kahera, na masyado silang naging marahas sa binatilyo na nangangailangan ng tulong. Subalit nagdahilan ang majikero at nagpaalala sa bilin sa kanila na huwag magkaroon ng kauganayan sa labas at anomang kaguluhan lalo na kung may kaugnayan sa mahika. Ito ay para maingatan ang bawat isa sa mas malaking gulo na maidudulot nito. 

Muling nagbabala ang binatilyo naghahagis ng patalim na nakapasok na ang mga kalaban. "Papaano?!" Pagtataka ng majikero. "Nandito pa din sa loob ang binatilyo" sagot nito. "Nandito siya" sabi ng babaeng kaleido star na binitbit ang binatilyo mula sa mga upuan gamit ang isang kamay. Binagsak sa lupa at sinabi sa mga kasama na tulungan na lamang ito gayon nakapasok na ang mga kaaway. Lumitaw na nga ang mga kaaway sa kinaroroonan nila. Isang may nagbabagang kamay, ang isa ay nagyeyelo naman, ang isa ay nagpalitaw ng tabak, ang isa ay higante at ang isa naman ay agad umatake ngunit biglang sinipa ng isang centaur na kanina ay isang sireno, "nandito na ang pinakamagandang lalaki ng carnival". Sumugod din ang may tabak kaya agad nagpalitaw ng tabak ang majikero para sanggalan ito "ayaw ko ng marumi" seryosong sabi nito. Bago pa makagalaw ang higante ay tumilapon na ito pagkasipa sa kaniya ng babaeng kaleido star "wala bang mas malakas?". Samantala ang isa sa mga kalaban ay nagbuga ng apoy kaya naman nagpalitaw ng barrier ang binatilyong tahimik para sanggalan ito pagkatapos ay sinapak ng lalaking keleido star na may kasamang umiikot na hangin ang nagbuga ng apoy "mas maganda siguro kung may kasama kayo na magandang babae", na agad sinunggaban ng babaeng kaleido star na kaniyang kasintahan. Nagpalabas naman ng mga matutulis na tibag ng yelo mula sa lupa ang isa pang kalaban na agad na tinunaw ng babaeng majikero ng nagbuga ng apoy ang kaniyang mahiwagang patpat. "Ang galing! ice make magic! Kaya lang tunaw agad sa apoy ko. Saan mo pala binili ang jacket mo?" Hinagisan naman ng tali ng binatilyong naghahagis ng patalim ang nagpalitaw ng yelo at ang iba pa. Agad naman sumikip ang tali at hindi na makagalaw ang mga kalaban ng ginamitan ng mahika ng lalaking nakalabas sa pagkakandado kanina, "walang kahirap hirap". "Hindi na masama" komento ng lalaking nakamaskara na nakatayo at pumapalakpak sa tuktok ng isang poste na kanina pa nanonood. Naglaho ang tabak ng majikero at nagpalitaw ng sanggalang at inihagis ito sa lalaking nakamaskara na parang boomerang. Ngunit tumalon pababa ang lalaking nakamaskara para makaiwas. Bumalik ang sanggalang sa majikero at naging alerto ang lahat. Pumalakpak muli ang lalaking nakamaskara habang naglalakad palapit. Biglang sumugod ang centaur sa kaniya at nagsabi, "sa akin ka na lang makipaglaro ako ang pinakasikat dito." Ngunit nakailag naman ito. Pagkabagsak nito sa lupa ay sumipa ang babaeng kaleido star ngunit nakatalon padin ito. "May ibubuga naman pala". Nakaiwas din ito sa atake ng lalaking kaleido star maging ang atake ng babaeng majikero na tanong ng tanong sa kakaibang itsura ng suot niya. Maging ang atake ng lalaking majikero gamit muli ang tabak ay naiwasan niya ngunit sinalo ng lalaking nakamaskara ang patalim na hinagis ng binatilyong naghahagis ng patalim. "Pwede na" komento nito. "Magkikita tayong muli" naglaho na lamang ang lalaking nakamaskara, "pwede na? Binabantaan niya ba ako!?" pangamba ng naghahagis ng patalim. Hahabulin sana nila ito ngunit pinigilan sila ng matandang pusa na bughaw ang kulay na dumating kasama ng manghuhula. "Hoy ikaw hindi ba sinabi ko sayo na magsumbong ka sa mga pulis!" Sabi ng majikero. "Amoy gulay ka, magsasaka ka?" tanong ng babaeng majikero. "Paano kung balikan tayo?! Paano kung magtawag pa siya ng kasama?! Paano kung ako ang pakay niya?!" pag aalala ng lalaking naghahagis ng patalim. "Baka ako ang hanap niya, siyempre sikat ako. Kikita siya ng malaki sa akin" sabi naman ng centaur. "Saan kaya niya nabili ang maskara niya?" tanong ng babaeng majikero. Pinaghahampas ng pamaypay ng manghuhula ang tatlong maiingay. "Magsitahimik nga kayo!" Lumabas naman ang juggler na kanina pa takot na takot sa kaniyang pinagtataguan at ang memory master na iniingatan ang kasama niyang batang babae, naroon din ang dalagitang kahera at ang mascot na manok na hawak ang puting manok. Samantala ang mang-aawit ay nagtatakang nanonood lamang sa mga naganap. "Anong gagawin natin sa mga ito master?" Tanong ng lalaking dumakip sa mga kalaban. Tiningnan ng matandang pusa na kanilang master ang mga nadakip. Bumilog ang matulis na itim ng mata nito at naging maputi na pinalilibutan ng kahel. Sinabi niya na ang mga kalaban na ito ay nasa ilalim ng mind control. Sinabihan niya ang mang-aawit na walang malay sa nangyayari na awitan sila para makawala sa mind control ang mga ito. Nagkamalay na ang mga ito at humayo sa kanilang mga dako ngunit ang binatilyo ay hindi pinayagan na makauwi ng matandang pusa. Sapagkat siya ang pakay ng lalaking nakamaskara at mapapasapanganib ang kanilang bayan dahil sa kaniya. Hindi naman sumang-ayon ang lalaking majikero dahil sila naman ang mapapasapanganib dahil dito. Nauunawaan naman ito ng kanilang master ngunit higit sa lahat sila ang may kakayahan na labanan ang mga yaon. Hindi maunawaan ng binatilyo kung ano ang nangyayari ngunit alang alang sa ikabubuti ng buong bayan nila ay sumang-ayon siya at sa isip niya ay matututo siya ng mahika dahil majikero ang makakasama niya. Tinanong niya ang master kung may nalalaman ba siya kung bakit siya pinagtangkaan ng lalaking nakamaskara. "Malalaman mo sa tamang panahon" ang sagot sa kaniya nito. Nagkatinginan naman ang master at ang manghuhula dahil sa kalagayan ng binatilyo. 

Nagpakilala ang binatilyo sa kanila. Siya si Heroco, isang magsasaka at walang alam sa paggamit ng mahika kaya nagtataka siya kung bakit nangyari sa kaniya ito at namamangha sa pinakitang mahika ng lahat. Nagpakilala din ang matandang pusa na kanilang master na si Filap. Isa siya din siyang magician ngunit nasumpa kaya naging anyong pusa Nagpakilala din ang lahat. Ang manghuhula ay si Ruth na mabilis uminit ang ulo kaya binalaan niya na sumunod kung ayaw niyang masaktan. Si Uriah ang majikero na kayang magpalitaw ng mga bagay na ang bilin sa kaniya ay maging malinis at maayos sa lahat ng oras. Si Espella ang babaeng majikero na gumagamit ng mahiwagang patpat sa kaniyang mahika na maraming tanong kay Heroco na napigilan lamang ng pinasara kay Edgeon ni Ruth ang kaniyang bibig. Si Edgeon ang lalaking kayang makatakas sa mga kandado. May kakayahan siyang mag alis sa pagkakandado at maykakayahan din magkandado ng kahit ano. Si Mikhain naman ang Centaur na nagpalit anyo bilang tao ngunit walang suot na kahit ano kaya agad binatukan ni Ruth. "Ilan beses ba namin sayo ipapaalaala na gamitin mo ang magic cloth na ginawa sayo ni Miladi!" Ang magical cloth na ito ay ginawa para maging kasuotan ni  Mikhain sa tuwing nagpapalit anyo ito. Isang panyong pula na nagiging salawal ni Mikhain kapag bumabalik siya sa anyong tao para matakpan ang maselan niyang bahagi. "Hahaha! Nakasanayan ko na pero ayos lang maganda naman ang pangangatawan ko kaya tingin lang kayo.." hindi pa siya tapos magyabang ay tumilapon na siya sa suntok ni Ruth sa kaniya. Si Miladi ang mang-aawit. Nasa kaniyang tinig ang kaniyang mahika at kaya niyang lagyan ng mahika ang mga gamit sa tulong din ng mahika ng iba ngunit laging walang malay sa paligid dahil siya ay makakalimutin. Si Aa naman ang pipi na nagpa pantomime ay nakagagawa ng sanggalang sa kaniyang mga kamao ay kumaway kay Heroco matapos siyang ipakilala. Si Wind naman ang lalaking kaleido star na may kakayahang magpaikot ng hangin sa kaniyang kamao. Isa siyang babaero kaya agad siyang sinunggaban ni Physila ang kaniyang kasintahang malakas, "basta hindi aagawin ang Wind ko, magkakasundo tayo". Si Alvin naman ang binatilyo naghahagis ng patalim, "sigurado ba kayo na hindi na tayo mahahabol ng kaaway?". Detection magic ang gamit niya kaya mahusay siya magpatama ng patalim ngunit marami siyang akala at duda sa maraming bagay. Si Tommy naman ang may mahusay na memorya, "ayan nakabisa ko na ang itsura mo". Si Harley na matatakutin ay isang juggler, "kinakabahan ako". Ang mascot na manok ay si Mr. Cock na mahal na mahal ang mga manok kaya may alaga silang puting manok. Si Blossom naman ang batang babae na kasamang madalas ni Tommy "hello po"at si Theona ang dalagitang kahera, "hindi mo ba pansin na kanina pa nagdudugo ang binti mo?" Doon lamang nila napansin na nasugatan pala si Heroco. Ginamot naman siya ni Blossom na may mahika ng pagpapagaling. Namangha si Heroco, "ang galing! Kaya mong magpagaling. Gusto ko na talagang matuto ng mahika" "Kinalulungkot kong sabihin sa iyo na mas mabuti para sa iyo na huwag matuto ng mahika. "Pero bakit?" "Para sa iyong kaligtasan at ng mga nasa palibot mo ay mas mainam na hindi ka matuto ng mahika. Theona pakihatid siya sa magiging silid niya, ang silid malapit sa iyong silid." Hindi na nakaimik si Heroco at hinatak na siya ni Theona papunta ng kaniyang silid. "Wala kang magagawa kapag nakapag desisyon na si master" sabi sa kaniya ni Theona. "Ngunit bakit?" "Hindi ko rin alam. Para daw sa ikabubuti natin" sagot sa kaniya ni Theona. "Natin? Kung gayon, maging ikaw hindi rin marunong gumamit ng mahika?" Tanong ni Heroco. "Gayon na nga. Bakit mo ba gustong matuto ng mahika?" "Nakakamangha kasi ang mahika kaya gusto ko din matuto. Ikaw ba?" "Dahil gusto kong hanapin ang taong pumatay sa akin ina." Namumuhing saad ni Theona. "Kung ayos lang sayo itanong. Magician din ba ang salarin?" Tanong ni Heroco. "Ayon kay master, oo, isang magician ang aking ina kaya magician lang din ang makakatalo sa kaniya." "Kinalulungkot ko ang nangyari pero kung walang magtuturo sa ating kung paano gumamit ng mahika hindi natin malalaman kung paano." Malungkot na sagot ni Heroco. "Ang bilis mo naman sumuko. May plano ako." Bulong ni Theona kay Heroco.

Samantala ang mga naiwan na magician ay kinausap ng kanilang master. "Maaring ang naging kalaban ninyo kanina ay mula sa isang dark guild kaya mag-ingat pa kayo ng maigi kung may makakasalamuha kayo na gaya niya dahil sanay sila sa pakikipaglaban" "maswerte lang siya kanina pagod lang tayo sa pagtatanghal kaya mabilis siya nakaiwas pero kayang kaya ko siya kung sineryeso ko" pagyayabang ni Mikhain. "Sayang hindi man lang natin nakita kung ano pa ang magic niya at kung saan niya nabili ang maskara niya gusto kong magkaroon ng gayon" paliwanag ni Espella. "Isang bagay lang ang ibig sabihin nun. Hindi pa tayo gayon kalakas" sabi ni Uriah at naging seryoso ang lahat. Determinado na maging malakas pa ang bawat isa.

E2 Theona - Library 

Nagtigil ang gumagalaw na tolda sa bayan ng Kâlawa sapagkat doon ang sunod na dako ng kanilang pagtatanghal. Nasaksihan ni Heroco ang paghahanda ng bawat isa. Si Mr. Cock na ang tumatayong mascot kasama si Blossom na nag-paabot ng paanyaya para sa gaganapin nilang palabas. Si Uriah ay kanina pa nag-aayos ng kaniyang damit dahil ayaw niyang may nakikitang gusot. Si Espella na paikot ikot sa kung saan saang dako para makigulo sa ibang nag-eensayo. Si Physilla at Wind ay nag-uunat na para sa kanilang pagtatanghal kasama si Eldgeon. Maging si Miladi na nagvo- vocalisation para sa kaniyang pagkanta. Si Aa na tahimik na nagma-mime at si Harley na hindi makapagsanay sa paghahagis at pagsalo ng bola dahil sa takot. Si Alvin na pinagdududahan ang bawat pumapasok sa tolda na baka isa dito ay kalaban kaya patuloy ang paggamit niya ng detect kung may anomang panganib siyang mararamdaman. Gayon din naman si Tommy na tinitingnan niya ang bawat pumasok para matandaan niya ang kanilang mga mukha. Si Mikhain at Ruth naman ay nasa kanilang sariling silid bilang isang malaalamat na sereno at mahusay na manghuhula. Si Theona naman ang nagtitinda ng ticket samantalang nagmamasid lamang si Heroco. "Sa palagay mo saan ka nababagay sa tanghalang ito?" Tanong ni Master Filaf na biglang lumitaw sa kaniyang likuran. "Hindi po ako mahusay sa pagtatanghal pero kung saan niyo po ako ilagay para naman magkaroon ako ng pakinabang sa inyo" sagot ni Heroco. "Pag-iisipan ko pa kung saan mas mabuti kang ilagay, sa ngayon samahan mo muna si Theona" bilin sa kaniya ng kanilang Master.

Lumapit nga si Heroco kay Theona upang alamin kung anong maitutulong niya. Sumagot si Theona, "isang bagay ang maitutulong mo sa akin. Samahan mo ako mamaya pagkatapos kong maipagbili ang lahat ng ticket" "Saan naman tayo pupunta?" Tanong ni Heroco. "Habang busy sila sa pagtatanghal, samahan mo ako sa silid aklatan ng bayang ito. Napag-alaman ko na may dako sa silid aklatan nila patungkol sa paggamit ng mahika. Kung hindi nila tayo tuturuan ng mahika, tayo na lang ang mag-aral sa sarili natin." Determinadong paliwanag ni Theona. Kaya naman sumang-ayon din si Heroco sapagkat gusto rin niyang matuto ng mahika. 

Nagsimula na nga ang pagtatanghal at ang lahat ng kanilang kasama ay abala sa pagpapakitang gilas sa mga manonood ay nagtungo si Heroco at Theona sa silid aklatan para maghanap ng aklat tungkol sa mahika. Habang naglalakad sila ay napansin ni Heroco ang bibit ni Theona na mga balahibo. "Bakit may mga balahibo kang dala? Nagkatay ka ba ng manok?" Agad naman tinakpan ni Theona ang bibig ni Heroco. "Huwag huwag mong sasabihin iyan kung mahal mo pa ang buhay mo" babala ni Theona kay Heroco. Napalunok ng laway si Heroco sa takot kahit hindi niya lubos na nauunawaan. "Ang mga balahibong ito ay nababalot ng mahika. Ito ang mga naiwan ng aking ina. Ngunit hindi ko alam kung papapano niya ito ginagamit" paliwanag ni Theona. "Mahihiwagang balahibo pala ang mga iyan" "Narito na tayo, halika na. Basta tandaan mo ang bilin ko sa bawal sabihin o anomang bagay na laban sa manok", "Manok?". 

Pumasok na nga sila Heroco at Theona sa silid aklatan upang maghanap ng aklat na magtuturo sa kanila sa paggamit ng mahika. Doon nakita nga nila ang mga aklat na nagsasaad ng mga bagay patungkol sa mahika. Ngunit maraming uri ng mahika gaya na lamang ng mahika ni Uriah na lumilikha ng anomang bagay. May mababasa din mga spell kung saan mahusay si Espella, ngunit hindi magagamit ng kung sinoman ang mga magic spell na natagpuan nila. May nakita naman si Heroco sa isang aklat patungkol sa balahibo. Balahibo ng Phoenix. Ang Phoenix ay isang nag aalab na ibon na nagiging abo at nabubuhay muli. "Hindi kaya may gayon din kapangyarihan ang balahibong iyan" tanong ni Heroco. "Hindi ko rin alam lalo na ang mga balahibong ito ay hindi parepareho" sabi ni Theona. May nabuksan naman si Theona na aklat patungkol sa mga enchanted item. Mga bagay na nagtataglay ng kapangyarihan ngunit habang binabasa pa lamang niya ang unang bahagi ay biglang may sumabog sa hindi kalayuan. Nagsigawan ang mga tao sa loob ng silid aklatan at nagsisiunahang makaalis. Tinitingnan naman nila Heroco mula sa malayo kung ano ang nagaganap doon. Maya maya ay naaninag nila ang lalaking naka maskara na palapit sa kanilang dako. Gusto pang tapusin ni Theona ang kaniyang pagbabasa ngunit nang mapansin sila ng lalaking nakamaskara ay tumakbo ito palapit sa kanila kaya agad hinatak siya ni Heroco at naiwan ni Theona ang aklat. 

Nagpalabas ng mahika ang lalaking nakamaskara na parang isang alon ng hangin at napasunod niya ang mga taong nadaanan nito ngunit hinawi ito ni Heroco nang palapit na ito sa kanila kaya hindi nadamay ang kanilang dako. Pagkatapos ay tumalon na lamang sa isang malaking durungawan ang dalawa para makatakas sa mga taong napasailalim ng mahika. Pagkabagsak nila sa lupa ay agad silang tumakbo pabalik sa kanilang tolda. Ngunit mabilis na nakasunod ang lalaking nakamaskara sa kanila na nagpalabas ng bolang enerhiya para patamaan sila. Tinulak ni Heroco si Theona at sinalo ang bolang enerhiya. Tumilapon si Heroco nang siya ay matamaan. Nag alala si Theona kay Heroco ngunit wala siyang sandata kundi ang mga balahibo. Naalala lamang niya na ang mga enchanted item ay may taglay na kapangyarihan kaya naniwala siya na may kapangyarihan ang balahibo para matulungan sila. Palapit na ang lalaking nakamaskara kay Heroco. "Siguro naman tinablan ka na ng mind crush ball ko?" Nang biglang nakuryente ang lalaking nakamaskara at bumagsak sa lupa. Nakita ng lalaking nakamaskara ang natusok na balahibo sa kaniya. Lumapit si Theona at kinuha ang balahibo at inalalayan si Heroco na tumayo. Nagtaka ang lalaking nakamaskara na nakatayo pa si Heroco at sinikap nito makatayong muli mala sa pagkakakuryente. Tumakbo agad ang dalawa para hindi maabutan ng lalaking nakamaskara.

Nagpasalamat naman si Heroco kay Theona at natuwa na nakagamit ng mahika si Theona. "Ako dapat ang magpasalamat sa iyo. Dahil sayo kaya nakagamit ako ng mahika. Kahit hindi ko alam kung paanong nangyari". Nang malapit na sila sa tolda ay sumulpot ang lalaking nakamaskara sa harap nila na agad sinipa si Heroco at tumilapon. Napaupo naman si Theona na tila nawalan ng pagasa nang maabutan sila. Nagtapon muli ng mind crush ball ang lalaking nakamaskara sa napaupon si Theona na agad naman sinalag ni Uriah na may hawal na sanggalang. At sa likod ni Theona ay makikita na nagsilapot na rin ang iba pang mga kasama.

E3 Uriah - Performer

E4 Espella - Spellcasting 

E5 Mikhain - Out of this world

E6 Ruth - Precognition 

E7 Physilla - Training

E8 Miladi - Enchanted Items

E9 Alvin - Celestial Detection 

E10 Aa - Silent Shield

E11 Edgeon - 

E12 Wind - 

E13 Tommy 

E14 Blossom 

E15 Harley

E16 Mr. Cock 

E17 Jinn